wo Raasta..!!

aaj mujhe ek raasta dikha hai..

sadak se kat kar thoda niche gaya hai..

dhul kankad aur mitti se bhara hai..

bahut kam pairo ke nishan hai isme..

lagta hai bahut kam logon ne ise chuna hai..

chune bhi kyun jab aisi sadak ho saamne…

sidhe sapaat aur chamakdaar..

sabhi toh log chalte hain ispe..

phir bhala bewakufi karne ka kya matlab pada hai..

na jane kyun ye lubhaati hai mujhko..

zor zor se pukarti hai mujhko..

aaj khade hokar iski baatein toh sun lun…

thoda ek kadam badha kar toh dekhun…

siti…shor…sharabo se door…

pedon gathaaon baharon se pur..

ye kahin lubhawana dagar hai..

yahan toh charo or main hi main hun .

lagta hai aisa ye mera chhota jahan hai..

ye raasta mujhe le aaya kahan hai..

shaayad jiska pata mujhe sadiyon se raha hai…

ye jo raasta thoda kat kar niche gaya hai..

ye aaj se mera jahan hai.